Skoollied
Ons is bly
Ons is bly
daar's 'n skool in Brackenfell wat ons op die pad
van grootword lei.
Ons kan leer, ons kan leef,
ons kan groei en ons kan glo
met ons voet op aard' en oog na bo.
Ja, nog kosbaarder as al die pêrels
is wat die Paarl-skool vir kinders doen.
Ons wat glo en weet van EEN wat liefde is
wil mekaar in liefde dra.
Ons wat glo en weet van EEN wat liefde is
wil mekaar in liefde dra.
Skoolwapen
Die veldgedeelte van die skild word gevorm deur wit en swart vertikale balke wat die skemerwêreld aandui waarin die serebraal- en leergestremde leerders hulself aanvanklik bevind.
In hierdie omstandighede kom daar vir hulle lig deur onderwys, wat voorgestel word deur 'n ingeboë punt wat na bo oopgaan en waarop 'n oop rooi roos geplaas is.
Die teenstelling in kleure maak dit 'n treffende wapen. Die spreuk, "Fide et Amore", wat beteken, "deur geloof en liefde", dui op die benadering van die skool tot die leerders.
